Le POEME en Soninke [ SOONINKEN NI ! ].

[MARIRENME]

ROKKUTO
Inke xaranbali yan tanpi
Tuwaanon do i tuwaaxunin da in tanpindi
Kitaabu gumun do i kitaabun da in sankundi
In kori kiyen do wuron bakka me
Ku na ti a xullen ni
Ku na ti a binnen ni
Ku wa in kawandini ti in teye
Ku wa in tonon ti in nooge
Nke ALLA kome yan lasame lenki soro
In ga na daga ti in teye
Noogu gumun na ti in ma xara
In ga na daga ti in nooge
Teye gumun na ti in ma xara
Jaxa xaranbali ma ni kome ya
Jaxa xaranbali faaba ni komodunkome

Woyile xaranbalaaxu , Woyile yinmanbinnaaxu
In ga lasame , lasamaye fataama
In ga kori , kori fataama
Inke ti :"ALLA da duna kini fatanxulle"
Inke digaame yan da bone riti
Inke diganta yan da kasaara xenundi in kanma
Jaxa inke digaame ni tuwanbalaaxu digaame
Jaxa inke sefe ni yinmanbinnaaxu sefe

A ga sefene in da junubu
Junubu in do in xabiilan naxa
A ga sefene in da golli bure
Golli bure in do in Kaman naxa
Ke digaame saabudan yan sigi
Xabiilan ga kori kaane kitta
Ke diganta sababun yan sigi
Xabiilan feerun ga toxi bite
Na xabiilan soorun toxo sanko
Sikkan do haasidaaxun ro xabiilan sodonme

Inke ro bite,na in xabiilan ro bite
Inke ro sanko,na in xabiilan ro sanko
In ga kori , in ga lasame , in ga tilifi
In xaaru , in luuke
In ma sere wori xa da in yinme wori
In ti rokkuto
Gelli ken koota
In ga na daqu , in na ti rokkuto
In ga na dulli , in na ti rokkuto
In ga na wati , in na ti rokkuto
Golli sire , golli bure
Inke na ti rokkuto
Rokkuto duumante , rokkuto raabante ma in xooxon renmu

Safandaana: Alaaji Gileenu NJAAY

[kabu tirera]

ROKKUTO
Inke xaranbali yan tanpi
Tuwaanon do i tuwaaxunin da in tanpindi
Kitaabu gumun do i kitaabun da in sankundi
In kori kiyen do wuron bakka me
Ku na ti a xullen ni
Ku na ti a binnen ni
Ku wa in kawandini ti in teye
Ku wa in tonon ti in nooge
Nke ALLA kome yan lasame lenki soro
In ga na daga ti in teye
Noogu gumun na ti in ma xara
In ga na daga ti in nooge
Teye gumun na ti in ma xara
Jaxa xaranbali ma ni kome ya
Jaxa xaranbali faaba ni komodunkome

Woyile xaranbalaaxu , Woyile yinmanbinnaaxu
In ga lasame , lasamaye fataama
In ga kori , kori fataama
Inke ti :"ALLA da duna kini fatanxulle"
Inke digaame yan da bone riti
Inke diganta yan da kasaara xenundi in kanma
Jaxa inke digaame ni tuwanbalaaxu digaame
Jaxa inke sefe ni yinmanbinnaaxu sefe

A ga sefene in da junubu
Junubu in do in xabiilan naxa
A ga sefene in da golli bure
Golli bure in do in Kaman naxa
Ke digaame saabudan yan sigi
Xabiilan ga kori kaane kitta
Ke diganta sababun yan sigi
Xabiilan feerun ga toxi bite
Na xabiilan soorun toxo sanko
Sikkan do haasidaaxun ro xabiilan sodonme

Inke ro bite,na in xabiilan ro bite
Inke ro sanko,na in xabiilan ro sanko
In ga kori , in ga lasame , in ga tilifi
In xaaru , in luuke
In ma sere wori xa da in yinme wori
In ti rokkuto
Gelli ken koota
In ga na daqu , in na ti rokkuto
In ga na dulli , in na ti rokkuto
In ga na wati , in na ti rokkuto
Golli sire , golli bure
Inke na ti rokkuto
Rokkuto duumante , rokkuto raabante ma in xooxon renmu

Safandaana: Alaaji Gileenu NJAAY

xaranmoxo nawaari ti an haqille siren di

[MARIRENME]

SONINKARA COM

Sooninkara renmun do a xanani , xa ri
O nan kafi na sooninkaaxu yitten xumaari
Na sooninkaaxu wurigi duna kanpo ku naxati
I be ga saqa , giri an nan sigi
Naamen do xillen do danben da o xiri
Killen faayi , toqotoqo falle maama yinmun kanba
An ga xaaru, an ga ma sere wari,an na an yinme wari
Renme , wagan renmen barakinte
An ga loowolo , daga katta gangunda xo

Ceeron ga na saadagaabi
O ga na duruxoto ALLA na o deema

Muňiye su falle na muuňiye

Alaaji Gileenu Njaay

[Fodyé Cissé]

SONINKARA COM

Sooninkara renmun do a xanani , xa ri
O nan kafi na sooninkaaxu yitten xumaari
Na sooninkaaxu wurigi duna kanpo ku naxati
I be ga saqa , giri an nan sigi
Naamen do xillen do danben da o xiri
Killen faayi , toqotoqo falle maama yinmun kanba
An ga xaaru, an ga ma sere wari,an na an yinme wari
Renme , wagan renmen barakinte
An ga loowolo , daga katta gangunda xo

Ceeron ga na saadagaabi
O ga na duruxoto ALLA na o deema

Muňiye su falle na muuňiye

Alaaji Gileenu Njaay

Je ne savais pas qu'un Gajaaganké pouvait avoir tant de talents !

En tout cas, Xaramokho, tu démontres là un vrai talent de poète Soninké dans ce poème dédié à Soninkara.com .
Nawari N'Diaye Diaatta !

[MARIRENME]

Je ne savais pas qu'un Gajaaganké pouvait avoir tant de talents !

En tout cas, Xaramokho, tu démontres là un vrai talent de poète Soninké dans ce poème dédié à Soninkara.com .
Nawari N'Diaye Diaatta !

Salam Hayiranké
Depuis mon séjour au Hayiré pendant mes vacances cette année , les "siise mande moodi" m'ont souflé un don à l'oreille que je risque de garder lontemps.

[MARIRENME]

BAANE : baanaaxun da ALLA Tunka Xoore ke Baane ya nafa...

FILLO : Alla da yugo do yaxare ya taga haqilanto...

SIKKO : sikkan ga ro an do an xanan naxa,xa bogu me...

NAXATO : yaxaren yeeson ga ma faranporo , a na naxannaaten kitta...

KARAGO : kittindoronmun karagi nta baana,i nta yokko;soro nta baana...

TUNMU : an ga na xara,an na tuwi,an ga na tuwi an na tuuma...

NERU : yugu neri yan da nooro noro ti i nooro...

SEGU : yitti segaanan neenen ga daxamu,a tan ya ni bette...

KABU :furujanto kabi ga na kafi konpo baane,Alla Toxo Sire nta konini no..

TANMU : tanman ga nta maxanbaane su feqe,yaxannu nta a xananu...

[kagoro saake]

NKISIMA

Nkisima na yugu xase ya
Duna su ga a dorono
Baawo fi gana sere lasama
An ga na tere katti a ya
Ma a ga di an nimisiwasa

Jaxa xirisen ni ñagnan ña
An gama a jaga an nta a nafan tuunu


XARANGNE

Xarangne na tuwaaxun ña
A wa fo kappa seren haqile
Do a yi an seraaxun tinmandini

I be gana xara
An na tuwi
An na du tu
An na soro tu
Soron na an tu

Xaranbalaaxun ni gaccen ña
tuwanbalaaxun ni sankuyen ña
On xara, o na o soron xarangnundi
On tuwi, o na o soron tuwindi

Safandaana : Kaawu kamara

[sumaarenkunda]

Nke fonbinne
Nke karamaaňo
Nke sinňaqore
Nketti nxanne nsafana na xara
Nke xaran bali
Nke sangallin solli kutta
Nke doori xotaana
Nke ya gaňi ngetti xaraŋen ni ya na du tanpindi
Nxa wondi xenxon ŋa keeta
Nke yi gangon ŋalla maarenmen su
Xa na li o faaba, n'o deema kuudo o na bogu mexen ŋa
Ken kuŋa,gidimaxa kafo, gajaaga kafo, hayiire kafo
Wagaadu kafo, sooni kafo, xa d'o deema
Baaw'o xaranŋe li, baw'o safande li
An xannen safa nmaarenme
An xannen safa sooninke renme
An xannen safa wagaadu renme
An ke danbi sire na maxa sanku
Seliŋen sefe,seliŋ fana nsefe
Fintoonen sefe, daaman sefe
Yillen ga na kere lemunun ndo jaagu na xobe
Sooninke renme, sefe su saage sefene ti abadan kitaabun ňa noxo
I ga ňaana wagadu jiidanda yi,
I ga roono xura yi, a ga sanxini duna kanpo naxati yi
Ken kuna in maaren sooninke, an na nxanne safa
Selli an ga mulla komaaxu kacce na kuti bakka nxanne
FANQE DO AN XANNE
Nmaaren yugo, nmaaren yaxare
Xa maxa mungu do xanne keebe xa ga da sugu
Xanne ke wurugiyen ŋajibinten na xa ya kanma
Tuguti ku renmu be xa renmun gani
I ni xanne ke tuwaaxu kitta xa ya maxa
Ken kuna, na wuttu gelli xa ka. ma masala noqunu
I na tu ya ti xa kun ni sooninkon ya,
Sooninke ga da xa saara,xa ku xa ga sooninke sarana
Kun xa ga sooninke saraana, ma duna gan giri
xa ma renma denba jomon sumaare laani moodi mali

[sumaarenkunda]

Manne xa kawafi denba. nma leseme ba
Gajan ga taaxu muusun fette nkanma, alla do kalle
Sugun digge ga taaxu turun fette kanma,alla do kalle
Lesemeye ga fe,ko xa ni nyaxalinte walla yinbi fuuteye.laxanji ga suwon su xawondini
Jaaxajaaxa xenpa nwa nyaxaliye nxa yi
Gelli laxabure ga ro tonto yingumaaxu, nyaxaliye xenpe sa, na tuguti an taxa korini tiyi kanbunte
Hari gaja gama tuuri, an ta nyaana muusune nwalimaami

[Cheikhna Mouhamed WAGUE]

SONINKARA COM

Sooninkara renmun do a xanani , xa ri
O nan kafi na sooninkaaxu yitten xumaari
Na sooninkaaxu wurigi duna kanpo ku naxati
I be ga saqa , giri an nan sigi
Naamen do xillen do danben da o xiri
Killen faayi , toqotoqo falle maama yinmun kanba
An ga xaaru, an ga ma sere wari,an na an yinme wari
Renme , wagan renmen barakinte
An ga loowolo , daga katta gangunda xo

Ceeron ga na saadagaabi
O ga na duruxoto ALLA na o deema

Muňiye su falle na muuňiye

Alaaji Gileenu Njaay

Elhadji Merci, pour ce trés beau poéme dédié à soninkara.com. J'avoue que des talents de la langue soninkée qui s'expriment ici. Je vous dis kaane, en avant.