Lenki Xiisa

[Rockia-du-93]

salam

Marirenme, tu es injoignable, me dis pas que tu as voyagé

[Diaryatou Demba]

SALAM

On attend toujours la suite.....

[miss ében]

SALAM

On attend toujours la suite.....

Tu as raison de revenir à la charge car notre poète nous apparement oublié !!!

PEACE

[MARIRENME]

Salam,
Je vous ai pas oublié du tout , sauf que j'étais trop pris et que je n'ai plus le net depuis que j'ai déménagé.
A bientôt Inchallah pour la suite.

[Cheikhna Mouhamed WAGUE]

Salam,
Je vous ai pas oublié du tout , sauf que j'étais trop pris et que je n'ai plus le net depuis que j'ai déménagé.
A bientôt Inchallah pour la suite.

Oui Grand, on voit que tu es trop pris. Tu es raison dé. On te comprend.

[MARIRENME]

Salam, Xa yanpa in maxa... dalla gunnen fasu kalle
Birante duguta wunanŋe , a xoriti in ga a sanbatin bagandini , a da sinma in na i xarono ya , a giri ti i wa telle saxu. Musuwaaru sufante ke ga yinjogaaden wure, in da bagandi na ro a kitte ; a ga da faayi a soyi , a ti : “in wa tu ma a ga da ke dabari…”N ti : anna tu ya sere be ga da riti ? A ti : in wa a kaman tu… n dalla na a tu ti a ňanmoxoni katta in ŋa , a ya in mulla hari fonne fe;lenki an ga na ti a na du kari do in batte , a wa dabarini.
O ga na ňi taaxunu maxanban konpon raqu ma a ga ri du yiilandi , in do maxanban kuttun ga na ňi doome , a wa baqa a su ma a ganta inke. Fo ga na ňi a kitte , in ga na a wure baga ti a na kini in ŋa… a wa xoritini a kinni in ŋa. A wa in mulla , a wa saxamunun in ŋa , a wa in dorono ma in yinme ga yaagu.Hari o maxanbaanu yogoni wa tu ti a wa in mulla…
- anke nta a mulla ya ba…? A xa ,Fuleemata gemunten yaani,a sabarinte,yaxanne fe a ga tereene ti i tandoron soomo walla tandaban xoqe… a nta gajanŋa , haqilanten yaani.
- nke ma bara Fuleemata ya… an ga da jikkuni beeni ko a da , in xa da i koroosi Fuleemata ya.
- ken kuna a ko maxanban kuttun da xan daga soxo saaxen da faaron ŋa walla xa na daga sangalli sigindi ma xa xube sappindi…
- eh! In taata a mulli… an sira mulla in da xa fi wa no in ga ma a ko an da…
- manne xa ni ken ŋa… ?
- o maxanban soroba ke noxo,maxanbaane wa non ŋa a xa yonki ke su na Fuleemata ya,a toxon ni Alixaali. Alixaali ra nta digaamunu a ga ma a misaalen wutu Fuleemata kanma,lagari a su da tu ti a wa Fuleemata mulla… o lemunun da Fuleemata taaxundi na a moxon ko a da,xa a ma duŋe , a ti i wa sere tana mulla a ga feti Alixaali… gidan yugaaxu do gidan yaxaraaxu nan toxo i do a naxa. Nke wa tu ti Fuleemata ga do maxanbaane be inke yaani , a xa inke nta mulla foofo ga wareenen do maxanban baane naxa sakkati fo be ga xo yaxannan xibaare… Alixaali wa Fuleemata mulla , Fuleemata nta Alixaali mulla ; Alixaali xa na inke menjanŋen ya,nke wa kanna , nke wa saxamunu Alixaali walla maxanban tana tini inke yan da Fuleemata barandi Alixaali ya.
Nke do Alixaali ma demu wareene me hari koota baane ,in ga na daga i ka ke , a su na in dorono yamoxo siri. Keeta a wa Alla maxa , A ga na ke be dabari ken ya siren ni…keeta in wa telle saxu , xunbane in na a gunda o maxanban soroban xirisen da katta ken ŋa in taata maxa a ko sere da ti Fuleemata da musuwaari riti in da… in do maxanban kuttun ga na me mugu dinma be in na ko an da.

Birante daga saxu,in xa da lemunun wundu na I saxu noqun dabari,a falle i boore nan saxu. In da sallijin wutuna saxufon ke salli , na rakkani filli anniye na i salli in ma da ; na Kamane kallanŋunte ke ňaaga ti A fonnansiraaxu ke A gan na o do o saaxa sire ke koyini me ya jamu do xeeri.
N ga duguta sallini , in da in xaariten potin bagandi na fo daari in faten ŋa ken do in taanin ku beeni ga joope booxini xo kollanga bera ; gelli in tugunnaaxu , in ma da o demundi xaariten daarinde na a saxu a ga ke be siroono yaxaren fate diina te walaxinto ku.
N da in saxurexen boyi na in xurisi xanne koyi Tunka Xoore , in ma ga da in toŋo dufanandi soorani beeni in da i ko na ALLA ňaaga A gan na in kuunu kiine sire.
Wucce muuma in kori xenqene , in na filinke ti teye , in na tiirinbe ti nooge ; in singi , in bifi , in saxu ti kaaron filli su xa ken su in ma tiigo sakkati in na xenqo kita. N kiilu ke su faayi Birante do Fuleemata naxa ke ya , in ga ma kori i na ňa doome , an maxa xenpe leminan xanaaxu baane , Fuleemata moxon nan liŋo in da nke na Alla ňaagana in ga na ňi leegini bakka ke ka , in xoxone Birante na yaxare rondi a ga ňaana Fuleemata , xa ke su na Tunka Banna ke ya maxa…

( à suivre )

[Cheikhna Mouhamed WAGUE]

Grand tu es revenu en force dé. Je pense que tout doit rouler pour toi en ce moment. On se comprend non?

[MARIRENME]

Grand tu es revenu en force dé. Je pense que tout doit rouler pour toi en ce moment. On se comprend non?

Salam,
Eh cheikhna ! an ga ma an tan bogu Hayiranko ku do Gidimaxanko... an faayi an gida hayibana kiiran xulle...
Nke do Fodiiye do Ali nta baana...

[Cheikhna Mouhamed WAGUE]

Salam,
Eh cheikhna ! an ga ma an tan bogu Hayiranko ku do Gidimaxanko... an faayi an gida hayibana kiiran xulle...
Nke do Fodiiye do Ali nta baana...

Salam
Nkuuru ntaxa ho konno.