Lenki ke koota xibaaru (Soninkan nxanne)

[MARIRENME]

Xa sunka,
Fo be ga katta kayitinbali gumu ku lenki koota ke Faransi jamaane ke noxo , ken do Oroppu jaman kuttu ku su , i na kayitinbalin muurunu xo suwannen ga do xattin batte...
Yetaane Itali jamaanen xa ma kutte toxo do i batte...
Ken yaani nke ga mulla , o na o haqilen toxo du ya ti o safandun do digaamu katta kayitinbalin xibaare.
Na a saxu xo sooninkon ga konno moxo be : i ga na ti yaxarin fi ma ke baga , i ma an yaqen ya wutu an maxa... , sere be ga ma ro kayitinbali gumaaxu , an ra nta a tooran do a tanpiyen tuunu... An ga na faayi an jamaane noxo , an ra nta tereene ti an sogo , an ra nta gollini ti an sogo ; ke su do kayitin xibaare , a ga faabarenmun maxa , a ga saaxarenmun maxa , a ga xanan do xonnen maxa , a ga nta anken maxa...
O na o sondonmun xaaya katta i ya kuudo ma ALLA Tunka Xoore ke wa kafiini o do i su... Anmiina.
Lenki koota ke , hari kayitigume an ga ma du koroosi , i wa an kayiti sire ke bakka an maxa. ALLA gan na o kisini seran seyitaanon do i kafo.

[Habibatou]

Amine Amine

Xa sunka,
ALLA gan na o kisini seran seyitaanon do i kafo.

[Hadiya WAGUE]

Ma Renmu xa nella !

Lenki ke koota ndo xibaare be ga ri kata xa ke ni oropi jammanu ku ga da ke be be sigindini kata mukunu ku be ga rono tampille do debu ñeri noxondi a nayi kayiti nti maxa.

Tampille ke do debu ñeri ministirinu nda saffa nan ti kayitimballu ku i ndi raga i rawayi i soxono ma ma xasu tammi do segu. nke ni fi a ga ma demu ñana baawo faranci yinme noxo a ñi tanjikke do bitto filli, Españi tanjikke bitto, Itali noxo tandume bitto. Ken kuna i ga da ke be wutu fay katta na soro ku talla dalandi kasso ke noxo. Nke do i ni muru do ni bagandi i jammanu ke noxo nga ta bana bari i su duŋe xo kayitinballinuku mi ga fere ña i ga bakka i bedu ku moxombe.

O na ti oropi jammanu taxa mukke munda ! sakata o ku marenmu soninko !

nKe falle i duŋe ti lemine su be kayiti ga nta maxa ratanyi soxene kasso walla bakka ku jammanu a banne. Ma sere na ñi da batte (a sarano).

Nke falle i ti i ga da i be su xatta ku jammanu noxo i wa an kabana rono ma fo be ga xo xaaxu karagi.

[sumaarenkunda]

Ku waxati soro da o jamaanen xirisen tirindi ken ga ni AMADU TUMANI TUURE.soro beeni ga da tirinti,IBIRAAMA SILEMANU KULUBALI,DO SI SILEMANU SI,A DO ARAJO FR3 sere yogo,i da tirindi digan gebe,digaamu beeni ga tenwini katta maali ga telle kaane moxo be,a do xotoyu beeni ga tenwini katta maali,o gan katta a gajanwa moxo be
-I tirindinde fana nya, dulle kee be ga duna yi saasa,a da manne feera kuttu kuudo o na kattu kisini dulle ke ga n ti bonondindini maali yi moxo be,
O jamaane ke xirisen ti,siinen noxo maali gan xawa na toonu nhaqe be yiga maali noxo,a yi telle gemu ma wuujune toonu,maali yinme ga keebe soxono a wa genme kamo karagi toonu,ken wa koyini nan ti o m'o soobe ro soxoyen wa,na tuguti soxo nyiinye be ga maali maxa a layi maali birandini, Afiriki jaman baane yan funwu o yi nyiinye ken ga ni BOSUWAANA ,maali soxo niinye be ga maali a wa genme miliyaarini filli ekitaari,ken wa koyini ti maali ga na soxo a laayi maali birandini, ma maali ga di jamaani tana birandi do du batte,O jamaanen xirisen ti,ma i ga da feeran su n ya na gollinya nyokkun muuru kuudo soxaanon ga soxono moxo be laxafiya kanma,keteye nga laaga nyaana jamaanen noxo
-I da tirindi simon xibaaren xa yi, na tuguti simon xoto maali noxo,A ti an ga da wori simon ga xoto, an xawa nxotto, na tuguti simon telle wutti jamane ntana ya, a ga na xoto no ,waajibi a xotono maali xa yi ya,
Amadu t'i da layidun wuttu maali da,ma i ga di jaamu simo deberi rexen girindi,a do noxu tanani,na tuguti gide keebe ga nyaana simon wa, a wa kiteene maali noqu gebe
-I da tirindi lemunun xaran xibaaren xa,na tuguti lemunun taxa xaranwa,A ti yirigi i ge di gango be wara katta lemunun wa i da faamu,na tuguti yirigi lemina ngebe yan d'i naxaane nsiiti xaranwe kaara, ken ni fi y'a siren ni, na tuguti jamaanen xunbane ni lemunun ya maxa
-I da tirindi killun xibaaren xa, A t'i ke taaxe killi gebe deberi na nyeme,i da fo joppa saasa ken ga ni kankaba kille, a xaalisin miliyaarini tanmi do nyeeru,alla ga na dunwe ma maali ga tuuma kille nxibaaren,na tuguti killi gebe wa deberini
-I da tirindi jamaane lenmu beeni ga jamaane palle,A ti farancin ko ny'i ga da golle yogo deberi waxati danginte ke, ken yi a ga d'i tooro,faranci yirankunu,polisini, i ny'i ga di o renme yogo xata m'a ga telle du fitta jin noxo,a xosi kara, i da farancin jaman yingume xirin nan digaamu a da,na tuguti tubaabuni nwa o ku maxa afiriki o n'i dorono ya,keeme nmaxa i kita ku beeni geda golle ke deberi i do keebe gan xawa a na ken ya
Esipanyi xa da layidu yogo wuttu o jamaanen da,a t'i ntaxa mulla sere ga telle du kari do geeji ya,t'i wa riini golli ESIPANYI,m'i ga da kaayi wara katt'o jamaanen yingume nwa,kuudo a na faayi ku beeni gan xawa riini golli esipanyi jamaane,o jamaanen xirisen ti ke ni fi y'a gemu i ya moxo siri
-I da tirindi cotollen xa xibaare,a do te deberi noqu ni,Amadu tumaani t'i da miliyaarini kebi ya ro ken xibaaren wa,kuudo tedeberi noqun nan kurunbaaxundi,i na te deberi noqunu nsu deberi,alla gana dunwe,ma maali ga baabu wase ti ken wa
-I da tirindi o jamaane ke kinbakka soro ku beeni ga moruti,A ti fi yaani a gad'i tu bagu, na tuguti an d'i ga na layidu su wuttu ,i na njanba,1991 o d'i da layidun wuttu i d'o janba,1992 xad'i d'o janba,2006 i giri na daga xenu kumanda yogo na kari bakka i koren naxa,o d'i daga meenyi ALIJE na ndigaamu,o da layidu ni tanmi do seegu ya siiti,i ma baane su bagandi t'i yaaxe maxa,saasa nti o sorodaasini,yirangumu,i na faayi o ga yaaxe kitte yi moxo be,hinneyen tax'a yi,alla ga na dunwa maali ni jamaane berekinte nya xonne lanti o da,jaareka xoore xa wa riini sigi bomoko yirimajo,ken gan xooro jaare ka su ga bomoko,maali ga foofo murunu jareyen xibaare i g'a kittana,jarande ke xabiilan su wa nyaana no, kuudo maali renmu na tuuma jaareye noxudu lesemeyen wa, harin'o jamaane ke deni kaane,
in kottu ku digaamu ya sagarana d'i batte harina faamuye kini o yi
xa maarenme denba jomon sumaare na bogu laani moodi mali

[Hadiya WAGUE]

Ma renme sumaarenkunda an do baraje an ga da ke masala kiñandi kata Soninkara bera. Mali jamane xirise o da sinmayu faamu kata ku tirindu be a ga duŋe i jaabini.

Ken falle Gelli Oropi xoda katte ke ga joppe o ma fofo su koni a xanne kanma!

Lenki nke sewo ti olandi ga da itali fanxa sikko do xafu !

Franci xa be gani a do rumani i ma kato me bakka meyi bari a ñame xafu do xafu.

[Hadiya WAGUE]

Marenmu xa do mani xibaaru li katta o Soninkaranotinu dan ŋa ?

[Fatoo_laNoirte]

Marenmu xa do mani xibaaru li katta o Soninkaranotinu dan ŋa ?

ke xa wa soninka nxane ndi ?

[Fodyé Cissé]

Marenmu xa do mani xibaaru li katta o Soninkaranotinu dan ŋa ?

Nke wa tuyindinin maarenmu Soninkaranotinu ku dan ŋa nanti o gedi xibaaru beeni muggu ti o debun banŋa kenni ya nan ti: Kanme ñan texe doonon ŋa, kan xotte xaa mene.

Na wutu Waounde maa Bakel, kanme ke wuyi texene ya aldjouma ke wuro.

A su da sinma nan ti, yirigin xaaxon ŋa, maa ALLAH, a wa siroono. ALLAH ganna ken ña. Amiina!