an do golle maarenme

kuudo in n'in tuuwaaxun koni an tirinde kanma.
ke tirinde faayi sooninkon ya kanma, bawo Duna noore ke noxon wa, sooninken baane ya na ke koono, an ga na ti a na sooninkan xannen xara, a na ti i ke wa sooninkan xannen mukku, i na a xarana mani ya ??
xa; faamuyinbalaaxun ya ni, Faransenu beenu ga dagana taaxu xarankonpen di, na faransen xara, i nt'a mukku ya? ma Angilenu beenu ga dagana taaxu na Angelen xannen xara, maninu ni kun wa ??
sere, an ga xanne be mukku an nan xawa ken xarana, janko an yinme xanne, an katu kaane kitana, an na yille n'an xanne ke wurugi.

misaale: sere be ga da Droit (law) n xara xanne tana di, an ga na kati sooninkan xanne ke xarana, an ga da ke be xara Droit n di wandi xanne ke di, an n'a yilla katta sooninke ke yi, sooninkan xannen nafe na a toore ya??

o ga bati do ken wa saasa(wacca) o wa Tugunun (facultees) kitana sooninkan xannen di, na Moyisin (universite) sigi sooninkan xannen di.

sere beenu ga ma xanne tana xara genta sooninkan xanne kun na nafen t'a yi, i xa na bogu mexe, fo xa na bogu sooninkara xaranbalaaxun wa ..

ke ni inke sinmayen wa.

wuron do xeeri
sooninkaaxu wurugiyen kanma !!!!!!!!!!!!