On da me wori noqu su, o na o xannen ko

[madibiramu]

Nma renmu xa su do golle ; koota yogo , in ga fuuren noxo PARIS, soninko filli baane ke ya sooninken koono, baanen ken na jaabini "farancen ya" ken da in lesema .
Nda du tintondi ke be ga "farancen koono" in ti: Nma renme anke nta soninke ya mukku ba ke ga sefene an da soninke , anke ga jaabini "farancen xanne"?.
A ti : i ke ga na ro soron noxo, i yaagunu soninken koono ya a feti i ga nta a mukku
Nma renmu ke xibaare da in lesema buru. Seren ga yaagunu i xannen koono baawo xan kuttun soron toron ga a yi!.

Kaagoro Saake, in na ti; an da sunka, an do maarenmu sooninkon su xa do golle.
ken falle in g'a mulla na jonginde be ña, an digaame ke kanma, ken ni ya: nan ti; an na maxa butu, hari baane feti ! du tuyinbalaaxun baane ya ni, seren ga ma du tu, i girinan-xennen su na xo: daaba moxo, bowoni; kiilun nta fonmuumen ŋa.
inke ga taaxu na ke moxo faayi sooninkon maxa, ku beenu ga taaxu wandun do me naxa, xo: Bamako, Dakar, Nuwaksotu, ma Banjuulu ma hari Faransi, i nta sooninkan xanne ke koono renmun da, ma wandi xanne, in da jaabi baane ya kita a yi, ken ni: TUWANBALAAXUN DO DU-TUYINBALAAXU nan kafu FAAMIYIN-BALAAXUN xa yi.

O na du doxoto, o n'i faamundi n'i bigu mexen di.
Na sooninkaaxu ña nanma-saane soonun do me naxa !!!!