Kandande
Ke ni xirindi loogonte yi, katta maarenmu sooninko do sooninkan xan mukkaano, nan t’o na dudoxoto xanne ke xaranŋen ŋa kuudo; xanne ke na wurugi a na kaanan daga, do nan kisi sankuye yi.
Alla daali Quraana dare ke noxon di: [Ti i nan golli, ma Alla gari xa gollen wari d’a faaren do tonŋondaano].
O wa muurunu xa maxa maarenmu, nan ti; o n giri o n’o kittun kini meye, on golli diinan do sooninkan xannen do sooninkaaxu da, bawo Alla da xanne ke xalih’o yi ya, o na du doxoto o na duntenŋaaxu ke tinmandi, d’o na katu bakka mexe di duna ke di, o na bada xa xeerin d’a jamun kita.
O wa muurunu sooninkan xannen gollaanan su maxa i n safandi ke kitaaben moxon ma su.
Nan ti sooninkan renmun da, sere su an do sooninkaaxun saxu an d’a n wulli, nan ti sooninkaaxu ni; silamaaxu, me deemande, sunpu sonne do me warayinde killi siren kanma.
O na ti: Harin’o diina ke denŋe kaane na sooninkaaxu do sooninkan xannen wurugi.