Lenki Kiye est un poème proposé par ALAAJI GILEENU NJAAYI à Soninkara.com
A travers ce beau poème il nous fait une comparaison des valeurs d’aujourd’hui de ceux d’antan. Comment l’argent a pris le dessus de tout et où règne l’hypocrisie la malhonnêteté, le mensonge etc… Nous perdons de jours en jours nos liens parentaux, notre solidarité, nos valeurs, notre culture, notre bonheur au profit des souffrances de ce monde où l'argent est roi.
LENKI KIYE
Kiyen kiñe futuro
N faayinden kiñe gallaqin renme
Golle lagaren ga giri do kiyen kutte
Tebullun kiñe debun kanma
A fankonda bolonŋu sella
I be ga da daaru wori,
an da xeeri wori, an da jamu woriDaaru xaalisin ma bange
Xa suturan ñi haadama renmun naxa
Lenki renmu, daaru xirisun do tuwaaxu
Wuron da i jalan banba
Xuran ro yaxannun kompe
Sibitin fanke da i xusu kasappen tiŋa
Kann fina xoten da i jiibandi
Lenki kiye, xaalisin do a su ri
Ma a ganta xeerin do jamu
Jamu be ga ñi do duna
Xeeri be ga ni haadama renmun kanma
A wuru do yittun do soxo ñiiñon batte
Yittun ña suwo, i kumi ginon wure
I ña xemen xulle
I ma katta ginon moyindini
Soxo ñiiñon ña seebon baro
Suttu beenu ga ñi debun falle
I lagari ñaana lemunun da sanga beroDaaru sunpun killun kuti
Daarumen sunpun killun sutti
Sunpun killun sanqi do fon ŋa
Maarengan finki kiiran xulle
Kaagun yugon wunan kaccen kuti
Kaagun yaxaren banbaadon buyi
Renme taaxu doŋa
A taaxu xeyen bera duuro
A xooro sunpu kutiye do haasidaaxu noxo
A bire xonnaaxu do lenburuntaaxu noxoKe su ma haadama renme kiilundi
Tonŋu be ga ni soron naxa
A fankon ñaŋi xemo
I daga do saahelin fanke
Gaaren ñaŋi teppu
A gas aasen kabana soron sufana
Ke su na ti xaalisi sabaabu
Lenki renmu, xaalisin renmu
Lenki yaxaru, xaalisin yaxaru
Lenki yugu, xaalisin yugu
Lenki xanan ña xanaareO da xeerin wara
O wuru do duna tanpiye
Garan lallun kare, monjollun sollun xose
Kotollin dukkun buyi kiiran xulle
Wallun do tangiyun sanku do duna ñanmoxonu
Lenki sooninke, lenki renme
I konti do tibaabaaxu, sooninkaaxu da i firi
Wulliyen ni xeeri xa sankuyen ni lagari buruntaaxu
Xaalisinn da sunpun kutu, a da a sanqi
Sinmayu burun da biten ña seeda
Tuwaaxu feti xeye xa ALLA kuyi fon yaani
Sahandaana : ALAAJI GILEENU NJAAYI